القلب مغلق للصـــــــــــــــــــــــــــــيانه

القلب مغلق للصيانه / من روائع سداح العتيبي




سـاد الظـلام وذعـذع النـود
وأمسيت أعيـد الاسطوانـه



وأخذت أطقّ العود بالعـود
وأهــزّ غـصـن الخـيـزرانـه



وقطفت لي من كل ّ عنقود
مـا يتعـب الشاعـر عشانـه



يا هاجسي ماعنك منشود
من راهنـك تكسـب رهانـه



مدّ الوفاء والطيـب والجـود
على النقاء والشعـر أمانـه



لا تحسب إني غير موجـود
جيتك معـي ختـم الضمانـه



بعض المحبّه مـا بهـا فـود
لا صــار مــا لـلـودّ خـانــه



دايــم يـقـود قلوبـنـا قـــود
والوقت يا صعـب إمتحانـه



يا بنت حبل الحـبّ مشـدود
كــل ٍ يتـلّـه فـــي مـكـانـه



قامت تمون عيونك السـود
ولا بيـنـي وبـيـنـك مـيـانـه



لا قلت أحبك عندي شهـود
هـمّـي و دمّــي وإغليـانـه



كنتي لحالك باشـة الخـود
وأشوفـك مـع الغيـد دانــه



طيفك يجي ويروح ويعـود
أتابـعـه وأمـشـي وزانـــه



ودار الزمان ونقّـص الـزود
وضيّـق وسيعـيـن البطـانـه



كـل الخطايـا هيّـنـه كــود
بـيـع المشـاعـر والخيـانـه



تفضّلـي مـن غيـر مـطـرود
الـقـلـب مـغـلـق للـصـيـانـه



اللـي لسانـه كـان معـقـود
الـيــوم صـــح الله لـسـانـه