قصيدة اياد السليماني

بو شاخ قال الزيـن يشفـي كـل داء=يشفي كمـا حـرز الرفاعـي للعيـون
يا بيت فيـه الخـل ساكـن والضنـاء=يا بخت جيرانه ومـن بـه يسكنـون
يا بخـت بيبانـه ويـا بخـت البنـاء=ويا بخت جدرانـه غبونـي بالغبـون
يا غبنتي عالزيـن دي شـل الحـلاء=رمشه مكحـل ناعسـه فيـه العيـون
ناعم شعر واسود كمـا ليـل الدجـاء=منثور في كتفه ومـن فـوق الجفـون
جبهتـه دره لـمـاء فيـهـا لـمـاء=يلمي بها البارق ويلمـع فـي سكـون
ما الدف مثل القـوس لا منـك دنـاء=والرمش كالحارس على باب السجـون
الانف سيف الهند فـي حـده الفنـاء=خنجر حلب مصنوع في شـام الفنـون
محلى الشفايف فيه من مثـل الجنـاء=والنحـل يجناهـا وفيهـا يعشـقـون
لا جيت با بوسه بـداء لسانـه بـداء=احمر يقطر شهد مـن بيـن السنـون
امـا سنانـه بيـض ياقـوت الغنـاء=تغنيـك بعـد الفقـر وثقـال الديـون
العنق من بلـور فـي وقـت المسـاء=والصبح من شافـه جنونـه بالجنـون
والصـدر كالـرمـان دلاه الضـمـاء=شربه من الابريق ما هـو عالمـزون
وكتاف منصوبـه عـوارض للمـلاء=والخصـر والردفيـن موزونـه وزون
ساعد مثيل الغصـن لا جـاه الهـواء=راوي وما مثله كـذا بيـن الغصـون
امـا الاصابـع لمسهـا يصلـح دواء=او هي تحف وسط المعارض والحصون
الظهـر لا قفـى كمـا وعـل الفـلاء=والبطـن لا ميّـح حنينـي بالحنـون
والفخذ في الملمس كما قطـر النـداء=سبحان من لا قال كونـي بـا تكـون
والساق بـان المـخ فيهـا والدمـاء=من عبر جلد الزين كم لـه ينظـرون
اسمه رباعي فيـه بحـروف الهجـاء=الالف بـه والميـم يـا دي تكتبـون
والشين به مكتوب في اسمـه وهـاء=يرخص له الغالي ومن شانـه يهـون
ان قلت يـا خلـي قليبـي لـك فـداء=صاحت علي الـروح دايـم تظلمـون
كلي فداء مجمـوع كلـي لـك سـواء=من خوف في حبـك علينـا يزعلـون
انته سقاء قلبـي وريتـك لـي وقـاء=يا ريتني لك ثوب عالجسـم الحنـون
بحسد عليك الفرش محسـود الوقـاء=محسـود جوالـك وفرشـاة السنـون
وان غسل المحبوب من قطرات مـاء=تنزل علـى جسمـه وتالـي يطلعـون
من فرقة المحبوب عظمي قـد ونـاء=يا قدرة الرحمان فـي دنيـاء وكـون
ان شفت محبوبي رحل همـي انجـلاء=حتى حسود الحـب مثلـي يفرحـون
وان غاب عني يوم دمعي قـد جـراء=والنجم با يحـزن ومثلـي يسهـرون
قرصفت عظمانـي وقطعـت الحشـاء=والقلـب خليتـه مجـرح بالطـعـون
والختـم بالكـاذي وورده والـشـذاء=والفل والنرجـس وعيـدان الدخـون

مشكوووور

شكرن علا المرور