قصيده للشاعر / حمد بن حيدره بن حبتور

طلـبـنـاك يـاعـالــم وداري بــمــا وقــــع == لـبـا مـنـك التخفـيـف مــن لــزّة الـلـحـود
كمـنّ المحاسـب قــال لاسـمـع ولارجــع == مرسّل على الميعاد وباقف على الوعـود
وبـانـظــرة الـرحـمــن لـلـقـبــر يـتّــســع == ويترجّـح الميـزان فـي الخـسـر والفـيـود
قبيلـي ولا بـاشـرُد ولافــزع ولاهـتـزع == ودمّي وعظمانـي علـى خاطـري شهـود
ولاسـيــف يفـزعـنـي ولامـنــه افـتـجــع == ولاصوتـك المزعـوج دي كنـه الرعـود
وعلى القبولـه محنـون بالصـوت يرتفـع == ولاانـتـو لـهـا تـابـع شفـونـا لـهـا عـمـود
وهــذا كــلام الـصـدق والـصــدق يـتـبـع == وعـاد النمـر صـوتـه يفـلّـق بــه الحـيـود
ولـي قلـب شاورتـه مـن قلـوب تـرتـزع == وهـزّت عليـه افـواج مــن جـنّـة الـبـرود
منـاشـي بــدت ســدي وتـقـرب وتـنـدقـع == يـزنـونـهـا عـالـغـيـل بــدقـــام مـاتــنــود
ولاشــوف بارقـهـا ولاالـرعــد يسـتـمـع == محـارس وعـول الكـور روادهـا يــرود
وقومـي ميـه وخرجـت دارف ومبـتـرع == وتسـعـة مــن العـقّـال ركــاب عالـشـدود
وبايهجمون الخصـم انـا ويـاه نصطـرع == ونجري علـى الجـودات يامـن يبـأ يجـود
لـبــا هــــدّة الـكـفــار بـسـيــوف تـلـتـمـع == وسيروا علـى الـردّات ياقـوم بـن سعـود
مـلاقـي عـمـر باجـهـل مـاطـاع يفـتـرع == أنـا ويـاه متعاجيـن علـى نسـبـة الـجـدود
ولالـي ولالـه عـذر لبـا الـثـوب ينقـصـع == لـســن القديـمـيـات مـشـطـوبـة الــحــدود
ويامـرسـلـي بالـكـتـب الــخــط وانـتـكــع == وسر في الوطا وان باتقاصع في السنود
وقـدم بلـد عـزان شـف لامــر قــد وجــع == وزار النبـي وشفـاه مـن رعفـة الــورود
قريشـي حـنـش مايرتـقـي حـيـث مالـقـع == وملقـي جـدل تـفـزع وملـقـي مـيـه قـيـود
وقـلـه حـمـد عطـشـان يـشـرب ولاقـنــع == ثلاثـه دلـي بـاهـا عـلـى صـافـي الـعـدود
ولي ملك في صنعـاء وتسليـم فـي عـدن == وفـي سكّـة البُـهـره وفــي سـكّـة الهـنـود
وقلـبـي شـعـه محـنـون بالـهـنـد والـيـمـن == وباحامـش النيـران فـي راس كـل عــود
أنا السكـر المصـري فـي السمـن واللبـن == وقـرن الصبـر مذكـور لاشتنـت الجنـود
وشـارح علـى لثنيـن حــارس ومؤتـمـن == ضماري معاهم نهب وقفوا على شـرود
وسلف القبل كبريت يرضي من أشتحن == وسود المجاري دوب لمسـي بهـا سـدود
ولشتـنـت الرمـيـان ومـسـوا بـهـا شـنــن == لبا بتال دي تسرح وتاوي فـي الضمـود
وصلـي علـى محمـد وعثـمـان والحـسـن == وسيدي علي وعمر ودي عندهـم سجـود