قصيده حمد بن حيدره بن حبتور

طلـبـنـاك يـاعـالــم وداري بــمــا وقــــع
لـبـا مـنـك التخفـيـف مــن لــزّة الـلـحـود
كمـنّ المحاسـب قــال لاسـمـع ولارجــع
مرسّل على الميعاد وباقف على الوعود
وبـانـظــرة الـرحـمــن لـلـقـبــر يـتّــســع
ويترجّـح الميـزان فـي الخسـر والفـيـود
قبيـلـي ولا بـاشـرُد ولافــزع ولاهـتـزع
ودمّي وعظماني علـى خاطـري شهـود
ولاسـيــف يفـزعـنـي ولامــنــه افـتـجــع
ولاصوتـك المزعـوج دي كنـه الرعـود
وعلى القبولـه محنـون بالصـوت يرتفـع
ولاانـتـو لـهـا تـابـع شفـونـا لـهـا عـمـود
وهــذا كــلام الـصـدق والـصــدق يـتـبـع
وعـاد النمـر صوتـه يفـلّـق بــه الحـيـود
ولـي قلـب شاورتـه مـن قـلـوب تـرتـزع
وهـزّت عليـه افـواج مـن جـنّـة الـبـرود
منـاشـي بــدت ســدي وتـقـرب وتـنـدقـع
يـزنـونـهـا عـالـغـيـل بــدقـــام مـاتــنــود
ولاشــوف بارقـهـا ولاالـرعــد يسـتـمـع
محـارس وعـول الكـور روادهـا يــرود
وقومـي ميـه وخرجـت دارف ومبـتـرع
وتسعـة مــن العـقّـال ركــاب عالـشـدود
وبايهجمون الخصـم انـا ويـاه نصطـرع
ونجري على الجودات يامـن يبـأ يجـود
لـبــا هــــدّة الـكـفــار بـسـيــوف تـلـتـمـع
وسيروا على الـردّات ياقـوم بـن سعـود
مـلاقـي عـمـر باجـهـل مـاطـاع يفـتـرع
أنـا ويـاه متعاجيـن علـى نسبـة الـجـدود
ولالـي ولالـه عـذر لبـا الـثـوب ينقـصـع
لـســن القديـمـيـات مشـطـوبـة الــحــدود
ويامـرسـلـي بالـكـتـب الـخــط وانـتـكــع
وسر في الوطا وان باتقاصع في السنود
وقـدم بلـد عـزان شـف لامـر قــد وجــع
وزار النبـي وشفـاه مـن رعفـة الــورود
قريشـي حـنـش مايرتـقـي حـيـث مالـقـع
وملقـي جـدل تفـزع وملـقـي مـيـه قـيـود
وقـلـه حـمـد عطـشـان يـشـرب ولاقـنــع
ثلاثـه دلـي باهـا عـلـى صـافـي الـعـدود
ولي ملك في صنعـاء وتسليـم فـي عـدن
وفـي سكّـة البُـهـره وفــي سـكّـة الهـنـود
وقلـبـي شـعـه محـنـون بالهـنـد والـيـمـن
وباحامـش النيـران فـي راس كـل عــود
أنا السكـر المصـري فـي السمـن واللبـن
وقـرن الصبـر مذكـور لاشتنـت الجنـود
وشـارح علـى لثنيـن حــارس ومؤتـمـن
ضماري معاهم نهب وقفوا على شـرود
وسلف القبل كبريت يرضي من أشتحن
وسود المجاري دوب لمسي بهـا سـدود
ولشتـنـت الرمـيـان ومـسـوا بـهـا شـنــن
لبا بتال دي تسرح وتاوي فـي الضمـود
وصلـي علـى محمـد وعثمـان والحسـن
وسيدي علي وعمر ودي عندهم سجود


******************************
ارجو ان تنال اعجاب كل من يقراها

شكرا على الجهود ولكن القصيده منشوره في المنتدا من قبل